الصفحة الرئيسية  /  الوطن /  عطشان الوَرد!

عطشان الوَرد!

عطشان الوَرد!

بقلم: د. سعاد درير كاتبة مغربية
بِينْ شفاهْكُم وعِينْ الْمَا
ما بِينْ خِيطْ الليلْ والظّلْمَة..
°°°
واللِّي قَصّ حبالْ الودّ
كِيفاشْ يعْرَفْ يشمّ الوَرْدْ..؟!
°°°
الوَردْ.. الوَردْ.. الوَردْ.. !
عاتبْنِي على الشُّوكْ الوَردْ..
عاتبني على الشُّوكْ الوَردْ..
°°°
الوَردْ عاتبْنِي وذبَلْ،
وبحر الذكرى ما يرحَلْ،
واللِّي باعْني للِيلْ الذُّلّ،
السُّهْدْ في عِينُو ما يخْجَلْ..
°°°
جِيني يا منديلْ الحُبّ،
واحْكِيلي بدمُوعْ القَلْبْ..
°°°
داويتْ قصِيدْ الشُّوقْ بالصبرْ..
تغَطِّيتْ أنا بلحَافْ الحجرْ..
°°°
بالقسوة مشِيتْ حلِّيتْ بِيبانْ..
وقَّفْتْ العبيدْ ورَا الحيطانْ..
°°°
الوَردْ.. !
الوَردْ عطشانْ الوردْ..
الورد.. !
الوَردْ مرسولْ الودّ..
°°°
جيُوبْ القلبْ
سرَّجْتْها بلا مِيزانْ..
وشَمْعْ الشُّوقْ
بكَّانِي وشَدّ اللسانْ..
°°°
وأنا يا حارسْ الْجَنَّة
فوقْ الأرضْ،
عيَّاني الزمانْ
وعرَّاني منُّو الصَّدّ..
°°°
جَمْرَةْ حُبّكُمْ
جَمرة
جَمْرَة ما تطْفَى،
كُلّما تهْدَا نارْها
نارْها تشْعَلْها اللَّهْفَة..
°°°
أخُوكُمْ جارْ علِيهْ ألفُجَّارْ
والحُسَّادْ..
فاتُو حصَادْ العُمْرْ
العُمْرْ الضَّايعْ
بِينْ العبَادْ..
°°°
شُوفُوهْ مالُو
ومالْ الوَردْ..
°°°
هَذا سرِّي
في جنَانْ الوَرْدْ..
°°°
جنانْ الوَردْ حياةْ القلوبْ.
°°°
ـــــــــــــــــــــــــــــــــــــــــــــــــــــــ
مُقابِل المُفْرَدات المغربية:
- عِينْ الْمَا: عَين الماء (يَنبوع الماء).
- اللِّي: الذي (مَنْ).
- كِيفاشْ: كَيْفَ.
- لحَافْ: ما نَفْتَرِشُهٌ لراحة أجسادنا (ثوب يَستر الجسد).
- حلِّيتْ: فَتَحْتُ.
- بِيبانْ: أَبْواب.
- ورَا: وراءَ.
- الحِيطانْ: الجُدْران.
- عيَّانِي: أَتْعَبَنِي.

الصفحات

إضافة تعليق

CAPTCHA image
Enter the code shown above in the box below